Lo bay tin un cambio di maneho, pa loke ta trata mantencion of ora cu proyectonan wordo ehecuta, pa asina alivia e peso di trafico y di comercio.
DOW a sinta hunto cu e minister di Infrastructura y medio ambiente y a conclui cu mayoria di e proyectonan cu ta situa den e areanan comercial manera centro di ciudad, lo bay wordo haci den gran parti oranan di anochi, cual hecho ta pasa den otro paisnan rond mundo, pa asina no stroba e fluho di trafico durante dia.
Esey ta conta tambe cu restauracionnan, cual lo wordo haci tambe durante oranan dia nochi of di marduga. Esaki sigur ta crea un ambiente mas faborabel. Leynan laboral tambe ta duna espacio amplio pa e por tuma luga.
Marlon Croes di DOW a splica cu pa loke ta e trabaonan den oranan di anochi pa marduga, cu esaki lo bay wordo haci pa tanto contratistanan priva como trahadonan di DOW. Nan tin cierto experiencianan caba pa ehecuta trabao den oranan di anochi, pero tin di bay mehora esaki.
Pa esaki, trahadonan cu ta traha anochi, ta pensando un posibilidad pa asina compensa e trabaonan aki, mirando e orario. Pero esaki tin cu wordo studia prome.
Havenstraat
Pa loke ta Havenstraat, cierto trabaonan a tuma luga durante oranan di marduga pa asina alivia e trafico, remplasando e klinkernan. Esey a pasa den oranan di awe marduga. Tambe tin pensa pa bin cu algun alternativa pa asina alivia e trafico den centro, manera restrinccion di crusamento di peaton riba caya, solamente designa den cierto areanan.
Marlon Croes, director di DOW a indica cu pa loke ta e area di riolering den Havenstraat, esaki a sufri algun daño cu a wordo causa pa e sakmento di e klinkernan.
