Dialuna marduga, alrededor di 1:10am a bati alarma pa un accidente na altura di e rotonde di ex-Drive Inn Theater. Na yegada di Polis a topa cu un auto marca Toyota, modelo nobo di RHD, color blanco y cu number A-64786 pega den un mata.

E chauffeur di e auto a bandona e sitio despues di e accidente, pues no sa si el a resulta herida of no. Kisas por ta un persona cu no tin un status legal cu hopi biaha sa opta pa miho bay di e sitio pa evita detencion. Tambe por ta un hoben sin rijbewijs of un persona bou influencia di alcohol.

Manera a topa cu e auto, e ta duna indicacion di lo a perde control riba e caminda di Santa Cruz yegando ex-Drive Inn y a perde control, baha caminda, drenta mondi y bay dal den un mata.

E daño material na e auto ta considerabel. No a busca takelwagen pasobra no a logra identifica e chauffeur. E mes lo tin cu cubri e gastonan despues di transporte. Unda e auto ta, e no ta forma peliger pa trafico.

Comments

comments