Faltando algun minuut prome cu 12or di merdia un accidente ta pasa na Camacuri na altura di Aruba Bank. Dos auto, un Toyota Yaris y Hyunda Eon bayendo direccion pariba tabata envolvi den e accidente. E chauffeur dama den e Yaris probablemente no a regula velocidad ora e velocidad di e fluho di trafico su dilanti a baha y a bay dal patras di e Hyundai.
Polis a yega rapido na e sitio, y mester a desvia trafico parcialmente cu a causa un fila basta largo. Personal di Rode Kruis den vecindario a baha y duna un man na e dama den e Yaris cu a resulta levemente herida en espera di ambulance. Daño material ta basta, specialmente na e Hyundai.
