Diamars, 12 di maart, e team di Payroll Pro HRM a bishita su cliente Total Services. Durante e bishita aki Payroll Pro HRM por a conversa cu e team di Total Services encarga cu Payroll y cu e team encarga cu Maneho di Recurso Humano.
Sra. Glenda Kelly, Paymaster di Total Services, ta comparti “Nos ta hopi contento cu Payroll Pro HRM, nos ta haña e programa hopi handig y cu tur cos ta funciona di un manera eficiente. Nos ta contento cu e support, aunke nos no tin mester di hopi support door cu Payroll Pro HRM tin tur cos bon regla.”
Giovanni Wester, Support Engineer di Payroll Pro HRM, a hasi entrega di un certificado na full e team di Payroll y Maneho di Recurso Humano di Total Services.
Mr. Wester ta comenta “Total Services ta conta cu un team sumamente profesional y nos ta orguyoso di por tin nan mane cliente. Nos ta gradici nan pa e confiansa cu nan ta pone den nos producto.”
E team di Payroll Pro HRM a gradici Sra. Kelly y full e team di Total Services pa nan support durante e 21 añanan cu nan ta cliente y Payroll Pro HRM ta spera di sigi brinda nan servicio pa hopi aña mas.
