Total Services Aruba cumpliendo 30 aña sirbiendo Aruba

Total Services Aruba no ta un compania disconoci aki na Aruba. E chens ta hopi grandi cu na bo trabow tin un of mas empleado di Total Services ta haci y mantene bo lugar di traha limpi.

E aña aki Total Services Aruba ta cumpli 30 aña sirbiendo comercio y comunidad di Aruba cu servicionan fenomenal y productonan di mihor calidad. 30 aña pasa sr. Wilfred Ras y sr. Ronald (Ronny) van Trigt a cuminsa cu un compania cu apenas tres empleado. Bow di un maneho responsabel, e compania a conoce un crecemento enorme y awe por conta cu mas di 800 empleado aki na Aruba.

Na comienso di e trayectoria di e compania a cuminsa cu servicionan di limpiesa den mercado comercial, industrial y institutional. E compania a sigui amplia su servicionan den mas area basa riba e necesidad di e mercado. A cuminsa ofrece servicio di septic, servicio di purificacion di aire, servicio completo di construction, renovacion y mantencion di piscina comercial y residencial y hopi mas servicio, cual ta hasi Total Services un compania cu bo por confia.

Total Services den su existensia cortico a logra hasi un impacto fuerte den e industria di limpiesa na Aruba y den Caribe. Awe Total Services ta e lider indiscutibel den e industria aki.

Awe, 23 di januari 2020 e compania ta celebra su 30 aniversario y kier a gradici cada un di su clientenan, compania of persona y nos empleadonan pa e confiansa duna na e compania durante e ultimo 30 añanan y ta spera di por conta riba e confiansa pa hopi aña mas.