Aruba Chess Federation hunto cu Caquetio Chess Club ta organisa riba diadomingo dia 24 di Februari e promer edición di un torneo di ahedres estilo Blitz.
E torneo aki ta wordo gesponsord door di Consulado di Republica Dominicana.
E ta wordo hunga den 3 categoria. Un categoría U-12 pa nos muchanan cu no ta cumpli 13 anja den 2019. Un categoría U-18, pa nos hobennan cu no ta cumpli 19 anja den 2019, y un categoría Open, unda tur participante por inscirbi.
E torneo aki ta tuma lugar den sala Unoca di Cas di Cultura.
E promer rond lo start pa 10:00AM y e ultimo rond lo start pa 2:00PM.
Duracion di un partida lo ta 5 minuut + 5 seconde di increment pa cada hungador. Un total di 9 rond lo wordo hunga riba diadomingo 24 di Februari.
Entregamento di premio lo tuma lugar después di e ultimo rond.
Lo tin premio pa e promer 3 lugarnan den U-12 Boys, promer 3 lugarnan den U-12 Girls, Best U-10, Best U-8.
Promer 3 lugarnan den U-18, Best U-16 y Best U-14.
Y e promer 3 lugarnan absoluto den categoría Open. Un hungador no por gana 2 of mas premio. Den e caso ey, e premio cu mas balor, lo wordo otorga na hungador.
Inscripcion por tuma lugar door di pasa e suma di 10 florin riba nos cuenta di banco na Arubabank account 6001081, bow di nomber di Schaakvereniging Aruba.
Mester menciona nomber di e participante, y den cual categoría. Si ta categoría U-18 of U-12, mester menciona fecha di nacimento di e participante.
Por paga cash tambe na nos club na Nieuwstraat 11, riba diahuebs anochi durante wega.
E torneo aki ta habri pa tur hungador di schaak. Bo no mester ta miembro di un club pa participa.
Diamars dia 19 di Februari, nos ta tuma registración na nos club na Nieuwstraat 11, Oranjestad, desde 7:00 di anochi te/cu 9:00pm. Riba dia di torneo mes, no ta tuma mas registacion.
Éxito na tur e participantenan,
