Servicio Meteorologico Aruba (Meteo) a informa cu tormenta tropical Kirk a caba na nada. A elimina tur advertencia di National Hurricane Center. Awe pa 11’or di mainta, e restonan di Kirk tabata localisa cerca di latitud 10.0 noord, longitud 39.5 west, of mas of menos 2.365 kilometer oost di Isla ‘Riba.
E restonan di e mal tempo ta moviendo den direccion west cu un velocidad di mas o menos 23 miya pa ora y su movecion general ta spera di continua den e proximo dianan. Bientonan maximo sosteni ta cerca di 40 miya pa ora cu rafaganan mas halto. Ta pronostica cu por tin poco cambio den forsa durante e proximo 48 oranan.
