Mirando di e casonan positivo cu tin, cual ta 414 caso positivo nobo di dialuna pa diabierna y averahe ta 83 caso nobo pa dia, gobierno a dicidi pa ahusta cierto medidanan.
E toque de queda ta cuminsa 10’or di anochi pa 5’or di mainta entrante mañan diasabra. Ciere di establecimentonan ta hala mas tempran pa 9or di anochi. Ta spera cu por cuminsa frena e plamamento di contagio.
Cu e toque de queda aki ta pidi pa doñonan di trabao pa cuminsa ahusta schedule di trabao, teniendo cuenta cu e orarionan di ciere y toque de queda a e trahadornan por yega cas.
Den caso di cierto compania y funcionnan cu no por haci esaki ta importante pa esnan cu ta riba caya, tin un bon identificacion. Mescos cu e prome toque de queda na maart. Si un ciudadano cu mester bay dokter of hospital, por bay, pa mas trankil pa haci un yamada na centrale post na 100 y avisa cu tal auto ta bay ta riba caminda pa tal motibo.
Por anuncia cu debi cu 40% di contagio na pia di trabao, ta importante pa avisa tur donjo di trabao ta bay control asi na trabao ta atende cu tur protocol. Ta e regla di tapaboca na pia di trabao, regla di higiena, regla di distancia mester ta na su luga.
Loading…
Reload document 
Open in new tab 
