Toque de queda entrante diasabra awo

Despues cu Gobierno a confirma e di 5 caso di Coronavirus, Gobierno a opta pa activa un toque de queda pa henter Aruba. Gobierno a dicidi di activa esaki pa motibo cu a ripara cu personanan no a tuma esaki na serio. E toque de queda ta incera si algun excepcion. E ta for di 9 pm pa 6 am. Lo no tolera ningun persona pa ta riba caya entrante e oranan aki. Unico excepcion ta si Bo tin cu bay botica na Warda.

Pa esnan cu no sa kico ta un toque de queda: ta indica cu ningun hende mag di ta riba caya, esnan tin mag di ta riba caya ta autoridad so. Lo tin algun excepcion pero lo anuncia esey entrante dianan nos dilanti. Alto comisario di Polis a anuncia cu e boet lo ta te un maximo di 10 mil Florin, tin boet tambe pa negoshinan cu keda habri despues di e ora maximo.

Tambe a menciona cu entrantre mañan ta ultimo dia cu vuelonan por aterisa na Aruba y automaticamente cu utimo dia cu residentenan di Aruba por drenta Aruba bek. Tur cu drenta lo bay den cuarentena pa 14 dia den cuarentena. Esnan cu no tene nan mes na e cuarentena lo por haya un boet di maximo 10 mil Florin.

Gobierno cu update riba Crisis Coronavirus

Gobierno cu update riba Crisis Coronavirus. Click e link pa mas https://24ora.tv/3bbcuOb

Posted by 24ora on Thursday, March 19, 2020