Toque de Queda a yega pa Hulanda

1790

Niun hende tabata esaki, prome minister Mark Rutte a bisa den un conferencia di prensa. Pero toch e gabinete demisionario a pusha pa e Toque de Queda, algun dia despues cu Tweede kamer a debati riba esaki. E conseho pa bishitanan na cas a bira mas estricto di 2 pa un bishitante pa dia. Tambe a bini cu un prohibicion di biahe for di Reino Uni, pero tambe for di Sur Africa, Brasil, Argentina, Bolivia, Cabo Verde, Chili, Colombia, Ecuador, Frans Guyana, Guyana, Panama, Paraguay, Peru, Surinam, Uruguay y Venezuela. 

Prome minister Rutte a bisa cu sigur e no ta contento cu e Toque de Queda. “E ta un medida hopi pisa. Niun hende ta grita di alegria.” E prohibicion ta bay na vigor solamente si Tweede Kamer duna su aprobacion. “Algun dia despues di e debate ey” e TDQ ta bay na vigor. No ta conoci ainda si ta logra esaki pa diabierna, manera cu a menciona anteriormente. Si bini un debate mañan, e ora e TDQ lo drenta na vigor diasabra of diadomingo anochi. 

E mandatario a adverti cu lo ta prohibi pa ta riba caya entre 8.30 di anochi y 4.30 di marduga. “E ta bay mas pa e ciudadanonan y den campo. A menos cu bo ta cay bou di e excepcionnan. E ora bo mester di un declaracion special pa esaki. Falsifica un declaracion asina lo bira un delito.” Rutte a haci un apelacion na e ciudadanonan pa haci nan compranan tempran pa evita filanan largo anochi. 

Entiero

Tambe a papia di e limitacionnan pa loke ta entiero. E cantidad maximo di huespednan a baha di 100 pa 50. Talkshownan laat anochi por sigui invita nan huespednan, tambe si nan no ta forma parti di e grupo di profesionnan esencial. 

Nan ta spera cu e TDQ por baha e cantidad di contagio cu entre 8 pa 13%. 

E no a wordo menciona den e conferencia, pero ta papia di un cuarentena obligatorio pa biaheronan cu yega Hulanda. Pa esaki mester traha e leynan necesario ainda.