Patruya di Playa ta presenta diaranson marduga un biaha mas na Top1Toys, banda rotonde di Belgiestraat, pa yamada di kiebro y/o ladronicia na e establecimento. Na yegada a constata cu a purba drenta e luga pero e plan a cay na awa.
For di e persona di siguridad a haya indicacion cu ta trata di un persona color scur, cu a manda un pida piedra dor di e glas di e porta principal cu intencion di bay “Shop” su regalonan den ora di marduga, pero na momento cu e la ripara cu e la keda detecta a sali na careda bay.
Remarcabel ta cu e intento di ladronicia y /o kiebronan aki ta di tres biaha den e luna aki so. Polis na sitio a tuma tur dato pa asina cuminsa investigacion. Lamentabel cu propiedad/ negoshi di hende ta keda perhudica/ destrui na man di hende sin escrupulo.
