Tommy Croes cu ta e cantante principal y tambe Cuartista di Grupo di Betico a fayece diadomingo merdia. E ta ruman di Libertador Betico Croes. Tambe ruman di ex ministernan Rudy y Hendrik Croes. Omo di Evelyn y Glenbert Croes. E tabata tin problema cu salud. El a bay exterior unda el a wordo atendi. El a bolbe Aruba y despues a haya cierto complicacion y mester a wordo opera atrobe. E siman cu a pasa ainda el a haya Santa Oleo. El a bira basta malo y tabata haci oracion pe. Diadomingo merdia si a drenta e noticia tristo cu el a fayece. El a laga tambe tres yiu atras y su casa Frida. Tommy Croes tabata un ruman hopi stima den e famia. Hopi forsa na e famia complete. Tommy tabata tin un edad di casi 70 aña. Cu Tommy sosega na pas. El a fayece na Dr Horacio Oduber Hospital.
