Awe riba di dos dia di Pasco, el a haya un ataca di curason na su cas y a fayece eynan mes. Un noticia tristo pa tur amante di bon musica salsa. Julio César Rojas López ta naci na Puerto Rico dia 15 di juni 1955 y a muri awe cu apenas 65 aña di edad. Su nomber artistico ta Tito Rojas y nan sa referi na dje tambe como “El Gallo Salsero”. Separa di cantante, e ta bon conoci como un compositor tambe.
Na aña 1975 el a cuminsa su carera di cantante despues di un audicion cu Pedro Conga y su orkesta internacional. A tum’e e tempo ey como cantante. Despues di poco tempo el a bandona e orkesta y a join Conjunto Borincuba, como cantante principal. Cu e banda aki el a participa grabando e cancion “Con amor” cu mesora a bira hit na 1978.
E mesun aña Tito Rojas a join Fania All-Stars y mesora a dal duro cu su cancion “El Campesino”. Djey el a funda su mesun banda, Conjunto Borincano, cu a dura masha poco. Na 1987 y 1989 e tabatin otro hitnan, cantando baladanan conoci den version di salsa, esta Noche de Bodas y Quiereme Tal Como Soy. Ambos cancion tabata ora ya el a join e banda Puerto Rican Power.
Na aña 1990 Tito Rojas a canta su so atrobe y a graba e cancionnan Sensual (1990), Condename (1992) y A Mi Estilo (1994), sinembargo, tabata su hit di aña 1995, esta Por Propio Derecho, cu a hib’e na subi e lista di Latin Billboards porfin. Di eynan a reconoc’e, manera semper el a soña, ganando un disco dobbel di Platinum Record Award, e Paoli Prize pa “Best Salsa Artist of the Year” y e “ACE” Award.
Na aña 1996, Tito Rojas a lansa su cancion Humildemente y tambe Pal’ Pueblo y sin lubida 20th Aniversario, Alegrias y Penas y tambe Navidad con Tito na aña 1999.
E discografia: Aquí Empezó la Historia (1972)Con Amor (1978)Aquí (1979)Con Velo y Corona (1980)Tito Rojas (1981)El Campesino (1983)Todo Ha Cambiado (1984)Tres Mujeres (with Puerto Rican Power) (1987)Solo Con Un Beso (with Puerto Rican Power) (1988)Sensual (1990)Condéname (1992)A Mi Estilo (1993)Live Salsa Festival de Curazao (1994)Por Derecho Propio (1995)Humildemente (1996)Pa’l Pueblo (1997)Salsa Mixes y Más Mixes (1997)Alegrías y Penas (1999)Navidad Con Tito Rojas (1999)20th Anniversary (1999)Rompiendo Noches (2000)Quiero Llegar a Casa (2001)Auténticamente En Vivo (2001)10th Anniversary (2002)Canta el Gallo (2003)El de Siempre (2003)Perseverencia (2003)Doble Platino (2003)Tradicional (2004)Borrón y Cuenta Nueva (2005)Mejor Que Siempre (2006)Éxitos y Más (2007)Sin Comentarios (2007)Solamente Éxitos (2009)Vida (2010)Independiente (2011)El Viajero (2014)Tito Rojas (2018)Un Gallo Para La Historia (2019)
Mas recien:Na aña 2012, Tito Rojas y su banda a toca y graba “bibo” for di Las Vegas, Nevada. A titula e album como “Tito Rojas Live: Autenticamente En Vivo” cu Roberto Roena como artista invita tocando bongo. El a lansa su ultimo album “El Viajero” na 2014, mientras cu na 2015, Rojas a aparece cu e cantante di Puerto Rico, Ivy Queen, den su di nuebe studio album titula “Vendetta”.
