Vivian Lampe ta yiu di Padu y pe tambe tabata un occasion hopi special. Padu semper tabata tin conexion cu musica. E grupo Abaco tabata tey pa homenahea Padu. Nan a saca un single cu Abo So, como e cancion cu nan ta bay promociona internacionalmente. Nan ta pensa di bay bek Venezuela y graba full e CD. Awor e single aki so ta graba. Pero lo bay tin nan propio cantica. Tur integrante ta un musicologo. Nan ta toca cu asina hopi zjeito, cu asina hopi pasion. Ora cu e musica aki waya, ta baila so bo kier baila. Abaco lo bay hiba Abo so leu, y ta un honor pa Padu cu e hendenan aki kier homenahie na e forma aki. Riba e CD aki tambe nan ta indica cu ta un homenahe na Padu.
Con lo yega radio
Abako lo bay radio e siman cu ta bin. Nan a traha copia caba pa hiba na cada un di e radionan te caminda cu nan por. E radionan lo bay tin entrevista pa nan sa mas di esaki y pa e cancion keda na Aruba, como un bunita promo. Tin tres cantica di Padu, cu excepcion di Abo So. Nan tin cos di nan mes di Pasco riba e CD tambe.
Fundacion Padu
Tin un fundacion Padu y nan ta hustamente trahando riba e partituranan. A bin na cas di Padu, nan a haci un inventarisacion di tur Padu su materialnan, tanto su musica, su pinturanan, su escritura. E ta un persona multifacetico. E ta compone, toca, pinta y skirbi. Ta hopi material tin pa documenta y nan ta bezig ta digitalisando awor aki tur su cassettenan. Tin caha cu 500 cassette, cu hopi cos cu nunca a wordo skirbi. Partituranan cu si no mir’e skirbi kisas nunca lo bay wordo toca. Nan ta den e proceso. Mester ayudo si. Cualkier musico profesional cu kier duna un man pa skirbi partitura of yuda den e proceso di digitalisa, sigur por tuma contacto cu e fundacion Padu. Un fundacion na su honor.
Vivian Lampe ta un miembro, pero e directiva diario, Landa Henriquez ta e presidente y Alice van Romondt ta vice presidente. Tin tambe Robert Kip como tesorero. Tambe tin mas hende cu ta den e directiva diario.
Proyecto
Awor aki tur material a bay na Unoca. A haya un espacio, pasobra na Padu su cas, tur cos ta habri, ta stof ta come tur cos. E cosnan aki mester wordo warda cu airco, bon protehi. Unoca a sta af un ruimte unda cu tur cos a wordo hiba eynan. Tur su corespondencia, tur cassette, tur e musica cu nan ta trahando riba dje, ta na un luga safe na Unoca.
Cuanto ta dura pa e keda concretisa
E proyecto aki, ta bay un tiki poco poco, pero e ta bayendo. El a cuminsa coy un tiki speed. E por dura algun aña. Por lo menos 3 pa 4 aña prome cu por bisa cu tin basta cos skirbi. Awor aki ta 25 piesa tin skirbi. Johnny Croes a saca den un buki cu su partituranan. Pero tin pa saca por ta dos of tres of hasta cuater buki pa por tin algun documenta. Tin mas hende cu kier participa pa skirbi, pa asina e musicanan aki keda pa generacionnan cu ta bin, vooral e hubentud por bay sigui gosa di e bunita musica di Padu.
