Tin suficiente test y mas ta yega Aruba e weekend aki mes

2155
Lab technician holding swab collection kit,Coronavirus COVID-19 specimen collecting equipment,DNA nasal and oral swabbing for PCR polymerase chain reaction laboratory testing procedure and shipping (Lab technician holding swab collection kit,Coronavir

Observando un publicacion cu a sali riba un (otro) website di noticia, Team di Crisis di Gobierno ta informa comunidad cu no ta berdad cu testnan ta cabando den e cantidad cu por tin consecuencia cu Aruba no por sigui haci test of cu menos test lo bay ser haci.

Ayera anochi Minister Dangui Oduber y Dr. Rodenburg a informa cu ta berdad cu hopi test a ser haci y cu Aruba ta un di e paisnan cu mas test a haci per capita na mundo. Esaki ta logico cu a afecta e stock, pero no pa afecta e cantidad di test cu ta ser haci diariamente.

Den e conferencia di prensa Minister Oduber a bisa tambe bon cla cu a haci pedido caba pa mas test. Dr. Horacio E. Oduber Hospital a confirma cu e weekend aki mes ya e cargamento nobo di test ta yega Aruba.

Crisis Team ta lamenta e forma con e noticia a sali publica, pueblo por ta trankil.