Tin scarsedad di awa den damnan rond di Aruba

Santa Rosa ta semper na vanguardia di agricultura y ta haciendo nan trabaonan, tirando bista riba e damnan rond di Aruba. Segun Randy Maduro, mayoria dam rond di Aruba, den cada bario na e momentonan aki tin scarsedad di awa. Esey mucho Santa Rosa no por haci.

Si a haci otro intentonan tambe pa e posnan di awa rond, cu ta na e momentonan aki dos ta den funcion, cu e awanan ta bon. Esun di Savaneta y esun di Pavia. Esnan cu tin un tiki plantacion, por yega na un di e posnan di awadushi aki, pa coy poco awa. E dos posnan aki, e awanan ta bon te ainda y ta premira tambe pa loke ta trata otro pos di awa dushi den diferente otro bario.

 

Tin scarsedad di awa den damnan rond di Aruba

Tin scarsedad di awa den damnan rond di Aruba. Click link pa mas https://24ora.tv/2HygnRB

Posted by 24ora on Thursday, May 23, 2019

Entre otro esun di Sabana Liber tambe, ta bay tuma paso pa asina haci un investigacion pa pone esaki bek den funcion y esey ta bay ta e caso. Esunnan di Santa Cruz p’ariba, Kadushi Largo si e awa no ta bon. E awa ta brak pa planta. Asina ta sigui tira bista riba e damnan. Esunnan cu ta bashi, ta purba di mantene rond di nan limpi. Mester duna tempo si pa e por seca completamente pa por sigui haci mantencionnan. Pero trabao di mantencion ta keda regularmente pa trata e damnan rond di Aruba. E interes tey semper, segun Maduro.

Pero ta debi na e scarsedad di awa, secura, e cantidad di volumen, e interes ta baha poco.
Te na e momentonan aki toch, damnan cu tin awa, a trata di parti esaki via e diferente agricultornan pa asina por yuda y sigui cu nan plantacion. Den algun tempo mas, si sigui asina aki, no lo tin mucho awa mas pa nos agricultornan.Atrobe tin cu sigui mira kico ta e otro solucionnan. Ainda tambe Santa Rosa ta pendiente pa loke ta RWZI.

Kico a saca afo di updatenan riba cierto filter

Esaki no ta asina cla ainda, pero ta en espera di algo positivo sali for di esaki. Awa a yobe den transcurso di October y November aña pasa, pero no tabata asina suficiente. Segun Maduro, lo bay ta mas of menos e mesun caso e aña aki. Pero lo sigui tira bista hunto cu e departamento concerni, cual ta meteo, pa wak si e aña aki Aruba lo bay keda den e mesun secura of lo bay tin mas awa. Tur cos ta mustra cu e ta bay keda mas of menos mesun cos.
Mayoria dam cu ta wordo uza ta Rooi Afo, Kas Ariba, Sabana Grandi, Daimari. Eseynan ta basicamente esunnan mas uza. Den e region aki tin mas agricultor cu ta semper activo.

Presentacionnan particular

Pa esnan cu ta interesa pa presentacion riba agricultura, cria y pesca, etc., por tuma contacto cu Santa Rosa y por planea esaki. Nan ta mas cu dispuesto pa duna e presentacionnan aki. Manera ta e caso di Cruz Cora, scolnan, cualnan ta hopi interesa.
Den transcurso, pa loke ta e celebracionnan di Himno y Bandera, Santa Rosa ta basta activo. Tambe na momento di temporada di aña escolar ta finalisando, Santa Rosa ta haya hopi peticion pa haci hopi presentacion pa scolnan.

Sancion

Di parti di Santa Rosa, nan mes no ta autorisa pa duna sancion. Si un funcionario mira un persona ta saca awa pa por ehempel pa construccion, nan mester tuma contacto cu polis, pa por duna sancion. Nan ta conseha si bisiña pa ta mas alerta, tira autonan cu ta bin, trucknan cu ta bin. Tin trucknan septico cu ta bin laba tanki den dam, cos cu nan mes como funcionarionan di Santa Rosa a experencia.
Por ehempel na Dam di Noord, nan a mira esaki. E hecho aki ta daña e awa completamente. Un biaha mas, nan di Santa Rosa mes no por haci mucho. Asina ta e peticion ta bay un biaha mas pa e bisiñanan tira un bista. Si bo mira un truck, tuma su number, yama polis. Of nan ta yama Santa Rosa, y di nan banda nan ta yama polis. Pasobra di parti di Santa Rosa, nan no por haci mucho.