Tin posibilidad pa bin cu extra medida pa Amsterdam, Rotterdam y Den Haag

1608

Gabinete di Mark Rutte ta den combersacion cu burgemeesternan di Amsterdam, Rotterdam y Den Haag door cu e casonan ta sigui aumenta lihe. Riba peticion di Gabinete, dialuna proximo e Outbreak Management Team (OMT) ta bin cu extra conseho p’e ciudadnan ey.

Minister Mark Rutte a bisa cu nan ta mira cu cos ta sigui asina, nan tin di tuma accion. Cua ta e reglanan cu nan ta bin cu ne, e no a bisa. “Mi no ta bisa esey adelanta.”

Tambe ocho regio ta bay na number dos di nivel di riesgo. E ta papia di “desaroyonan inkietante.” E cifranan ta mustra malo. Esey ta rekeri medidanan adicional, segun Rutte. Ta trata di Brabant-Noord, Brabant-Zuidoost, Gelderland-Zuid, Groningen, Zuid-Holland-Zuid, Gooi y Vechtstreek, Zaanstreek-Waterland y Flevoland. E cifranan di contagio ta hopi halto eynan. E regionnan mes ta tene nan propio conferencia di prensa pa trece nan medidanan.

Hulanda ta introduci mas medida pa COVID-19

Hulanda ta introduci mas medida pa COVID-19

Posted by 24ora on Friday, September 25, 2020