Tin mas monumento pa renoba

Semper Stichting Monumentenfonds Aruba ta busca monumento cu mester di un restauracion y cu sector priva no ta tuma. Segun Anne Witsenburg, director di e fundacion, tin biaha cu un restauracion di un edificio no ta gana hopi placa cu ne. Pero p’e fundacion un break even ta suficiente. N’e momento aki no tin edificio monumental cu ta doño di nan, pero si ta buscando otro monumento por ehempel pa Pais Aruba.

Ta haciendo investigacion pa e tankinan di awa na Kibaima, cu ta basta desconoci, pero tabata forma un sistema di awa hunto cu e watertorennan na Playa y San Nicolas cu a caba di restaura. Awo ta bezig ta check con pa restaura y duna e tankinan na Kibaima un bida nobo.

Witsenburg a menciona cu na San Nicolas y Playa tin varios doño cu a acerca e fundacion pa yuda nan pa mira kico nan por haci cu nan edificio.

Por ultimo, Witsenburg a comenta cu tin varios di e edificionan cu ta na werki, cu mester di un bida nobo.

Pa cobertura mas amplio lesa edicion di TREMPAN mañan.