Tin mas di 800 participante den e di 34 Aruba International Half Marathon

E aña aki ta tuma luga e di 34 Aruba International Half Marathon di IBiSA y manera tur aña esaki ta cuminsa na Joe Laveist Ballpart pa 5:30am finalisando dilanti di Alhambra Casino.

Aruba International Half Marathon

Posted by 24ora on Wednesday, March 20, 2019

Te cu awo a yega na 800 participante, pero tin mas hende cu a registra online. IBiSA ta urgi tur hende cu a registra online pa participa den e di 34 Aruba International Half Marathon pasa oficina di IBiSA y paga nan registracion pa nan luga ta sigura.

Ainda sa pasa cu hende sa registra online ta yega mucho laat pa paga y pa IBiSA no perde luga participacion tin e fecha cu esunnan ta bin paga prome tin nan luga sigura. Segun Monique van Embden, directora di IBiSA, te cu awo tin luga pa 12 relay team y esey ta algo cu hende cu no ta cla pa core un distancia di 21 kilometer, e ta un oportunidad pa toch participa na e evento akinan. E relay team por ta un team di studiante of corporate relay team. Esaki ta team di 4 studiante of 4 colega por forma un team y cada uno ta core un tiki mas di 5KM y esaki ta varia un tiki. Den e relay esun cu cuminsa ta cambia y asina ta sigui te ora cu esun di 4 ta yega na e punto final.

E distancia ta di 21 kilometer y tin 6 waterpost na caminda, tambe 3 zona di cambio. Esaki ta e di 34 Aruba International Half Marathon y tin e oportunidad pa registra, paga y participa. Tambe si un persona no por core sea relay of e distancia di 21KM, para na banda y apoya esunnan cu ta participa manera famia, colega, bisiña, conocirnan. E evento aki ta crece y e ta algo cu na Aruba por ta hopi orguyoso di dje. Segun Monique van Embden, e actividad aki no ta solamente un careda pa ta den cuadra di himno y bandera. E unico motibo cu ta celebra 1 siman despues ta cu e recursonan cu IBiSA mester pa organisa e actividad aki solamente ta disponibel 1 fecha despues di himno y bandera.

Tin participantenan di afo cu tin time share y ta ripiti, pero tin esunnan cu ta di afo y a participa y ta bin bek pa participa. Nan ta comunica cu IBiSA pa sigura cu nan t’ey p’e siguiente half marathon. P’e 35 half marathon IBiSA lo traha duro, unda cu lo tin participantenan internacional invita. Tin plannan p’e siguiente marathon unda cu lo honra personanan cu a contribui na e caredanan aki. Tin esunnan cu a cuminsa cu e organisacion y a kere den dje, tin participantenan cu a pone temponan y mester reconoce.

E participantenan individual lo por pasa busca nan pakete na Alhambra di 9:00am-6:00pm. Lo tin bus cu ta hiba participantenan Joe Laveist y esaki ta desde 4:00am pa 4:30am. Ta recorda tur pa ta trempan y sigura nan luga den e bus. Riba e ruta lo tin baño p’e coredonan, cual lo por haya esaki na comienso, final y tur relay post.

E postnan di relay lo ta na Citgo Savaneta, Ser’i Thijshi y di 3 ta na e stop banda di Juliana School. Ta gradici tur sponsor cual un biaha mas ta Alhambra. KPA tambe lo t’ey p’e parti di siguridad, ambulance, Rode Kruis, Harley Davidson, boluntarionan pasobra sin nan no lo ta organisando e careda aki.

Pa Alhambra Casino ta un honor di ta cu IBiSA pa 34 aña p’e careda aki. Desde cu nan a cuminsa chikito na 100 persona y awe ta yegando na 1000 persona, ta recorda tur persona pa bin participa unda cu coredonan di exterior tambe ta participa. Tur luga na Alhambra lo ta habri pa esunnan cu kier warda coredonan yega.

Comments

comments