Desde cu frontera a habri a cuminsa haci testnan un biaha mas di Covid-19, unda cu cada bes tin mas resultado positivo. Te cu na e momentonan aki tin 435 caso positivo activo di residente y 103 a recupera, mientras cu tin 11 caso positivo entre esnan no residente y 11 recupera.
Di acuerdo cu e datonan di Departamento di Salud Publico, esta DVG, A test mas di 12 mil hende y di cual na aeropuerto a test mas di 6 mil. Na e momentonan aki e cifranan di casonan positivo ta na 563 total, cual 541 ta resdente y 22 no residente. Un total di 11708 persona a sali negativo pa Covid-19.
Departamento di Salud Publico ta pidi tur hende cu tin e resultado positivo di Covid-19 pa ta den cuarentena. Dokternan tin un lista largo di hende cu mester haci e test ainda y p’esey ta pidi nan tambe pa mantene nan mes na e protocolnan. Ta importante pa cada bes laba man, bisti mondkapje, keda cas y limita contacto cu otro persona.
