Si kier baha un minister mester regl’e den Conseho di Minister y no den Parlamento

2685

Esaki ta di tres biaha cu ta purba di baha Marisol Lopez-Tromp como minister. Si nan kier bah’e, segun parlamentario Arthur Dowers, di fraccion di AVP, nan tin cu haci’e via koninklijke weg.

Tin un manera pa baha un minister y esey nan por regl’e den conseho di minister. Pero por a ripara cu nan no tabata tin e curashi ultimo biaha y awo nan a acumula poco curashi. Dowers ta menciona cu nos Parlamento ta comberti den Cas di Cultura y awe nochi tabata tin un presentacion.

Una bes cu constitucion bisa cu si no tin 11 miembro den Parlamento, no por tene un reunion valido. E reunion aki no ta valido. Esey ta un cos ridiculo cu nan a haci.

Hecho ta keda si, cu si esnan cu ta forma parti di e Gobierno aki dicidi cu na no kier traha mas cu un minister, nan por bisa e minister esey.

Fraccion di MEP a presenta un mocion di desconfiansa contra Minister Marisol Lopez Tromp

Fraccion di MEP a presenta un mocion di desconfiansa contra Minister Marisol Lopez TrompClick riba e link pa mas: https://24ora.news/379V9Xf

Posted by 24ora on Thursday, October 15, 2020

Ta keda na e partnernan den coalicion, cu si nan ta acepta esey. Si un di e partnernan bisa cu si e minister tin cu bay, nan tambe ta bay, e ora no tin gobierno. Esey ta keda logicamente na e gobierno.

Fraccion di AVP a bisa cu nan no ta parti di e fiesta aki. Ta un bagamunderia cu tin ta bayendo pa basta tempo caba. Por a mira esaki den e ultimo dianan aki. Hendenan ta yama otro pa ladron, pa corupto, pa gañado.

Loke ta pasando ta algo nunca bisto den e pais aki. Si bo kier core cu un minister y e minister aki ta pasobra ta denunciado corupcion, ta resalta.

A haya indicacion for di ayera caba cu esnan cu segun e minister ta esnan cu ta investiga, cu ta nan ta esunnan cu a grita mas duro y a cuminsa fiesta for di ayera, cu e minister aki ta baha awe, pasobra por ta nan lo bira parti di un investigacion den futuro.

Si e minister a comete un acto robes, fraccion di AVP por vota pa bah’e. Si e no a cumpli cu su trabao tambe ta vota pa bah’e.

Pero na momento cu e minister ta denuncia otro ministernan pa corupto ta pasobra tin corupcion den e gobierno aki. Por mira cu hasta un miembro di fraccion, sr. Croes a bisa minister presidente cu tin cosnan ilicito tumando luga bao di su propio responsabilidad. Una bes cu keda acepta esaki, e ora no conta cu votacion di AVP.

Ta spera cu por saca nan som pa e pais aki por ta goberna. Tin lunanan caba y hasta por bisa añanan cu e pais aki no ta goberna. Por mira cu tin un pandemia y e prome minister a sali bay Disney y pa despues bin bisa cu tin hopi trabao.

AVP no tin confiansa cu e gobierno aki no por atende cu e problemanan cu e pais ta confronta cun’e. Ta spera cu nan por ta robes, pero Dowers ta sigur cu e comedia aki ta bay sigui den e siman y dianan cu ta bin.