Tin algo pa tur hende riba e menu di pasco di Driftwood Restaurant

Nos a drenta luna di december. Esey ta nifica cu gruponan di famia of gruponan di trabao kier reuni hunto y come un cuminda dushi. Y Driftwood Restaurant ta e luga caminda cu bo mester ta pa e special cu nan tin pa e luna di december.

Carolina Merryweather-Raven a conta nos cu nan ta den full swing cu ambiente di fin di aña y ya caba nan tin varios grupo comiendo cerca nan.

E menu di e aña aki ta un di e mihonan cu nan por ofrece durante e temporada di fin di aña. E ta inclui appetizer, main course, dessert, koffie of thee pa solamente 56 florin. Ta sumamente importante pa nan cu den temporada di fin di aña pa bin, cera conoci cu Driftwood Restaurant.

Driftwood ta anuncia nan menu pa temporada di Fin di Aña

Posted by 24ora on Tuesday, December 3, 2019

E menu di Driftwood ta uno completo. Riba dje tin e plato principal cu ta e Pisca di dia. Den e caso di Driftwood, nan mes ta pisca nan pisca tur dia y depende loke nan catch nan ta sirbi anochi na e restaurant.

Tambe nan tin un mixed seafood creole, cu nan housemade criollo sauce. Ta un combinacion di camaron, pisca fresco, oester, calamari, hopi dushi mes, segun Merryweather-Raven.

Tin seis diferente opcion di appetizer, seis diferente opcion di main course, 4 diferente opcion di dessert. Ya for di luna di november ta ofrece e menu special aki.

Un otro plato cu ta hopi gusta ta nan soppi di oester. Pa loke ta nan mixed seafood ceviche, ta un plato hopi light y fresco, hopi pidi riba e menu.

Pa 56 florin, e ta un menu completo y tin algo pa tur gusto. E aña aki a introduci specialmente pa e temporada di fin di aña un menu vegano of vegetariano. Nan tin un vegan option, appetizer y main course. Como main course nan tin curried tofu and veggies. E ta un plato hasta pa esnan cu gusta un curry dish. E ta masha dushi mes y hopi gusta na Driftwood.

Pa reserva no tin un minimo. Por bin djis cu e pareha, famia, amigonan di trabao. Por yama na 5832515. Driftwood ta habri for di dialuna pa diasabra y ta cuminsa sirbi for di 5’or di atardi caba. Hopi hende gusta bin un dinner tempran y evita e drukte di fin di aña.

Pa esnan cu no conoce Driftwood, esaki ta un bon oportunidad pa bin cera conoci cu e restaurant.

E platonan ta bon proporciona y ta priminti cu lo bo sali yen. Pa dessert nan tin nan Chocolate Cake, Banana Cake, Housemade Caramel Flan, Pistacho Cake, como vegan option nan tin Sherbet. Sigur sigur tin algo pa tur hende riba e menu di Pasco di Driftwood.

Por bay libremente riba pagina di Driftwood, cual ta driftwoodaruba.com, unda cu tin e menu poni. Pero semper pa cualkier pregunta por yama of subi e website y por haci reservacion eyriba tambe.

Mucha

Driftwood tin un kid’s menu pa muchanan te cu 10 aña, cual ta 12 dollar. Ta inclui un appetizer, main course, dessert, soft drink, juice of lechi. Tin algo special pa e muchanan tambe y sigur pa full famia tin algo special na Driftwood Restaurant.