Tieleman Retail Enterprises a habri su porta cu diferente tienda

2486

Tieleman Retail Enterprises a tene apertura di su edificio nobo net dilanti Plaza Niki Habibe y den dje tin 5 tienda nobo den Caya Grandi. Aparte di tin tiendanan y renoba, ariba tambe tin algun apartament.

E tiendanan cu tin den e edificio aki ta Coffee Break hunto cu Aruba Coffee Roasting Company, In Bloom Studio, Cododo Convinience Store, HollandRoots y Chubato Beer World. Frank Tieleman, doño di Tieleman Retail, a splica cu esaki ta basa riba e concepto cu caya tin hopi oportunidad. Tin cu uza mas e oportunidadnan y desaroya algo cu por produci bek pa comerciante y pueblo.

A bin cu e tienda Chubato, pasobra Tieleman kier a mantene e nomber crioyo. A pensa riba un concepto di tienda di cerbes y a bin cu esaki. Den e tienda aki tin cerbesnan local, pero tambe tin cerbesnan di craft y draft. Aki tin un variacion di 100 cerbes, pero tambe tin otro cosnan di bebe pa esnan cu no kier cerbes. No solamente cos di bebe Chubato Beer World tin pa ofrece, pero tambe por haya algo di como manera chicken wings, batata y chicken nuggets.

A bin cu Cododo Convinience Store pa motibo cu e parti ariba tin hende ta biba y tin apartment den vecindario. E tienda aki tabata necesario, pasobra e ora hendenan por cumpra algo lihe. Aki hendenan por cumpra diferente producto, segun Tieleman.

E nomber di HollandRoots ta basa cu e raiz di hopi Arubiano ta di Hulanda. El a expresa cu por mira na e famnan door cu tur ta decendencia Hulandes. P’esey el a opta pa bin cu e nomber aki y den e tienda aki ta enfoca riba cosnan Hulandes, manera keeshi, chuculati, buscuchi Hulandes, pero tambe tin un seccion completamente cu cosnan di wega di bala cu por anima partido. Den e tienda ta haya productonan di porcelana y esaki ta situa na Delft. E linea aki ta porcelananan pinta blauw na man y ta di calidad halto.

In Bloom Studio ta un concepto basa riba un tienda di potret. El a splica cu esaki ta un combinacion di potret, pero tambe di exposicion di potret, variacion di bela y cristal. Aruba Coffee Roasting Company ta hunto cu Coffee Break. Tieleman a expresa cu Coffee Break ta bay haci 21 aña di existencia pero e concepto a cambia. Door cu mercado a cambia, 5 aña pasa nan a cuminsa roost nan mesun koffie. Segun Tieleman, e mes ta tosta e koffie, ta importa koffie berde di 70 kilo di Colombia, Guatemala y diferente pais. Cada boonchi di cada koffie tin su mesun sabor y esey ta bira e arte, unda cu ta toastnan licht, medium y dark. E enfoke den Coffee Break ta koffie, pero tambe ta ofrece cosnan di come.