Despues cu a inaugura Monastery Estate (den de La Sallestraat) mas o menos seis luna pasa, den fin di siman tabatin apertura di nan restaurant The Chapel.
Propietario di The Chapel Restaurant Toine van de Donk a splica cu a haci basta trabou pa logra finalisa e renobacion di e edificio, danki na un team dinamico, y awo finalmente por bisa cu The Chapel a cuminsa atende publico.
The Chapel ta un edificio separa riba henter e espacio di Monastery Estate. Pronto lo amplia cu construccion di un edificio apart riba e mesun tereno, cu un concepto diferente pero cu e mesun tipo di structura, estilo material bruto.
The Chapel ta sirbi, desayuno, brunch y dinner y ta habri tambe pa personanan cu no ta kedando den Monastery Estate.
Van Donk cu e concepto aki, tanto den e apartamentonan como e restaurant, kier a trece algo nobo na Aruba. Hopi di e material ta “hand made” y su team ta encarga cu tur detayenan den e edificionan, logrando un ambiente apart.
Loke nan ta ofrece den e restaurant ta caminda di calidad pero pagabel. Tin 60 diferente steak riba e menu, pero e menu di desayuna tambe ta amplio. E cliente por ordo na cualkier momento.
