The Casino a bin cu un bingo nobo. Tur luna nan tin un end of the month bingo, cual ta e ultimo diadomingo di luna, caminda nan ta haci e bingo tiki mas grandi, subiendo e prijsnan. Segun Xanthy Croes, sales & marketing coordinator na The Casino, a bin cu e idea pa bay bek den tempo, caminda cu semper mester a bisti nechi pa drenta casino. A bin cu e idea e ora pa bin cu un Bingo Gala Edition.
E ta sigui splica cu nan tin un Bingo sold out y mas di 350 hende na casino. Tambe hungando nan slotmachine nan y participando e rafflesnan cu nan tin durante di pauze. Fuera di esey nan entretenimento ta uno di kita sombre, poniendo asina dos cherry riba e bolo. Nan tin Tsunami awor aki despues di bingo y cuminsando pa 9’or di anochi, tin Robert Maduro y su Alma Folkorico.
Apesar di tin bingo tur dia, 4’or di atardi y diasabra y diadomingo, uno 1’or y uno 4’or, nan tin nan slots y e mesanan cu ta cuminsa despues di 6’or, como tambe nan Pokerroom cu ta habri pa 7’or di anochi.
Croes ta pidi pueblo di Aruba pa keda pending. Ta bay tin un end of the month bingo cual ta dia 25 di Augustus. Pero tambe por pasa cualkier dia purba bo suerte pa 4’or di atardi y haya un taste di loke tin na The Casino.
