Tabatin basta speculacion, tur hende ta ansioso pa sa ki campaña nobo The Casino at The Ritz-Carlton, Aruba lo trece mirando cu nan ta trece promocionnan grandi y innovativo. Y porfin a yega e dia cu The Casino at The Ritz-Carlton, Aruba a revela nan campaña di aña 2019; GANA E FERRARI 488 SPIDER!

E noticia aki a hala atencion di tur hende, local y tambe internacional, mirando cu pa prome biaha den Caribe un casino ta trece un auto di e caliber aki y unda ta ofrece tur hende e oportunidad pa gana e auto unico aki.

The Casino at The Ritz-Carlton, Aruba ta revela su tremendo campaña di aña 2019: Gana e Ferrari 488 Spider

The Casino at The Ritz-Carlton, Aruba ta revela su tremendo campaña di aña 2019: Gana e Ferrari 488 Spider

Posted by 24ora on Tuesday, January 8, 2019

E spectacular Ferrari 488 Spider tin un RHT (retractable hard top) y un 3902cc turbo-charged V8 engine. Tambe e auto aki por sprint di 0 pa 100 km/ora den 3 seconde. E interior di e auto ta inspira di Ferrari su Formula 1, unda ta crea un relacion entre conductor y e auto, aparte di e diseño unico di e Ferrari 488 Spider. Definitivamente e auto aki ta brinda un experiencia unico y un persona lo ta e feliz ganador di e grandioso premio aki.

Tur e bishitantenan di The Casino at The Ritz-Carlton, Aruba por participa pa gana e auto exclusivo aki door di ta miembro of bira miembo di e VIP Club unda por disfruta di beneficionan extraordinario. Cuminsando for di 7 di januari por cuminsa acumula punto pa asina ricibi ticket di rifa pa participa pa gana e auto. Pa cada 80 punto acumula riba slot machines of $40 den theoretical win na weganan di mesa lo bo ricibi un ticket di rifa. E ganador lo wordo selecta den luna di December 2019. Durante e aña lo tin diferente incentivonan pa aumenta e cantidad di tickets di participacion.

E bishitantenan di The Casino at The Ritz-Carlton, Aruba ta super entusiasma pa cu e campaña aki, mirando cu nan tin e oportunidad pa gana un auto luhoso y unico . The Casino at The Ritz-Carlton, Aruba ta sumamente orguyoso di trece e auto aki, cu ta refleha e luho y calidad cu The Ritz-Carlton ta brinda y ta conoci pe. Sin laga afo cu The Casino at The Ritz-Carlton, Aruba ta ofrece e miho Tier Program riba e isla unda nan clientenan fiel por goza di beneficionan exclusivo.

The Casino at The Ritz-Carlton Aruba ta ofrece un servicio di alta calidad y ta garantisa un experiencia unico. Pa mas informacion tocante con pa participa pa gana e Ferrari 488 Spider, por bishita
The Casino at The Ritz-Carlton, Aruba su VIP Desk of por yama na 527-2276/ 527-2277 y nan lo asisti cu tur detayenan di con pa participa y GANA.

Comments

comments