Tevreden (MEP): “Parlamento por ta e brug entre dos grupo”

Good Samaritan Cristian Center a organisa un seminario pa certificacion pa kapelaan, cu a conta cu presencia di dos parlamentario di MEP.

Hendrik Tevreden a cuminsa bisa cu nan a ricibi un invitacion pa atende e seminario na Good Samaritan Cristian Church. Pa Tevreden e ta di suma importancia. Pero pakico? Manera e banner ta bisa “Compartiendo e speransa den crisis” ta netamente loke Aruba tin mester. Ayudo den momento di crisis, pero cu speransa. Esaki ta netamente loke e training ta bisa, pa prepara e kapelaan, pa por yuda pais Aruba, na e polis-, bombero-, enfermeronan. Pa  e personanan den frontline, pa e tin un hende pa papia cu ne, pa comparti e momentonan dificil cu nan ta pasa aden, den nan liña di trabou. 

Tevreden ta di opinion cu e grupo aki, netamente por haya un preparacion profesional di e experiencia di e dokternan cu a presenta e conferencia tin. E ta algo cu ta practica na Bahamas, na Miami, etc. Ta hopi interesante cu ainda cu na Aruba esaki no ta tumando luga. Ta spera e parlamentarionan por ta e brug pa gobierno, pa trece e dos gruponan aki pa nan ta di ayudo di uno pa otro.