Dia 19 di januari ultimo, Jeon, hunto cu su productor di video, Edward Silberie, a biaha pa Dubai pa topa diferente artista y musiconan resaltando internacionalmente durante 1 siman di convencion di diferente proyecto y tayernan. Den e siman ey Jeon a crea un bon relacion cu e artistanan y a habri otro oportunidad cu nos yui di tera pronto lo estrena.

Un di e artistanan cu su amistad a keda crece den transcurso di tempo ta Mohombi. “Mohombi ta un artista multiplatinum cu no ta desconoci den e mundo musical na Africa y internacional.”

No mucho tempo pasa Mohombi a acerca Jeon pa un colaboracion musical cu e cancion titula TETEMA. El a menciona “I want Jeon on this Track!”. Ta premira cu e cancion aki lo habri oportunidadnan grandi pa nos artista nacional caminda Papiamento, un bes mas, lo resona mundialmente. “Intencion di e remix TETEMA ta pa habri frontera musical di America Latino y Africa pa WORLDWIDE.”

Ta oficial y confirma. Awe 5 di Juli 2019 a lansa e remix di e cancion original, cu actualmente tin mas di 20 miyon views riba youtube, esta “TETEMA”. E artistanan cu ta colaborando den e Remix aki cu Jeon ta entre otro Pitbull, Mohombi, Rayvanny y Diamond Platnumz. Jeon ta colaborando cu 4 Artista explosivo internacionalmente. Jeon ta trahando riba diferente proyecto grandi.

Preparacionnan ta grandi pa locual ta na caminda den e carera musical di Jeon y riba
rednan social continuamente por mira con e ta expresa su gratitud y reconocimento pa tur esunnan cu a sostene y cu continuamente ta apoy’e. Un di su deseonan ta pa inspira nos muchanan pa nunca stop di soña, cu por medio di su exito nan por mira nada no ta imposibel si bo duna di bo mes completo pa logr’e. Ademas di colabora cu diferente artista internacional manera J.Balvin y Nicky Jam.

Recientemente a lansa e cancion titula Pa’lante featuring Alex Sensation, Anitta y Luis Fonsi. Awor e remix di TETEMA. Y tin hopi mas ta na caminda. Nos ta den gran expectativa pa mira nos yui di tera Jeon sigui crece riba tereno musical y cu e continua cu tur su metanan den forma exitoso.

Comments

comments