Diabierna anochi pa mas o menos 9:30pm a sosode un accidente na altura di Napa Cura Cabay. Un auto marca Toyota modelo Tercel a bolter despues di impacto. Polis a topa cu e dos ocupantenan pafo di e auto benta. E Tercel lo tabata bayendo direccion San Nicolas cu velocidad halto, segun testigo e lo tabata pasando un auto ora cu na dado momento un auto marca KIA modelo Rio a subi caminda na man robez.
E Tercel a dal su tras, perde control y bolter algun biaha y keda cu su 4 tairanan den halto. Diferente piesa a spart riba caminda. Algun bleki di refresco y di bebida sterki tambe a sali cay for di e Tercel.
E chauffeur di e KIA Rio no tabata mustra herida. Personal di ambulance a haci chekeo riba e dos ocupantenan masculino di e Tercel.
Daño material na ambos vehiculo ta hopi. Polis a cera ambos banda di caminda.
