Tension ta escalando: Merca a para tur vuelo pa Venezuela

Gobierno di Presidente Donald Trump un poco mas cu un ora pasa, a suspende buelonan entre Merca y Venezuela, citando turbulencia politico den e pais Sur Americano. 
Secretario di Transporte, Elaine Chao, a saca un ordo parando tur buelo aereo entre e paisnan, cu aprobacion di Secretario di Estado Mike Pompeo, di acuerdo cu un declaracion di Departamento di Transporte. E decision aki a bini despues di un peticion di Secretario di Seguridad Kevin McAleenan.
 
Di acuerdo cu e ordo, Departamento di Homeland Security (DHS), a determina cu “condicionnan na Venezuela ta menasa e siguridad di su pasaheronan, avionnan y tripulantenan di biahe pa y for di e pais y cu interes publico ta exigi un suspension inmediato di tur vuelo comercial di pasahero y di carga entre Merca y Venezuela”.
 
“E decision aki ta basa riba e instabilidad politico continuo y aumento di tension na Venezuela y e riesgo asocia cu tur operacion di buelonan,” e declaracion di DHS ta bisa. Tambe ta indica cu DHS, DOT y Departamento di Estado lo sigui vigila e situacion na Venezuela y adapta nan accion si e situacion interno cambia.
Manera ta conoci, Venezuela ta den un crisis politico. Lider di oposicion, Juan Guaido, kende tin apoyo di Merca y cantidad grandi di otro pais, a declara su mes Presidente interino di e pais y a trata di core cu e Presidente Nicolas Maduro pero sin resultado ainda.

Comments

comments