Manera ta custumber, mañan diamars mainta lo tuma luga apertura di Aña Parlamentario nobo. Esaki ta sosode den sala di Parlamento di Aruba pa 9:00am. Consecuentemente, for di mainta trempan lo cera L.G. Smith Boulevard parcialmente pa e evento protocolario aki, cu desfile militar dilanti Parlamento. Lo habri caminda bek pa mas o menos 12:00pm. Por spera trafico mas pisa den Playa debi na e ceramento di caminda aki den e oranan druk di mainta.
Awe mainta a tuma nota di entenamiento militar tur rond di e edificio di Parlamento di Aruba. Esey ta pa e desfile cu ta tuma luga mañan mainta, como parti di e ceremonia protocolario pa apertura di e Aña Parlamentario nobo, e di 11 Parlamento di pais Aruba.
