Riba 15 di December, Aruba Aloe orguyosamente tabata e anfitrion pa Telearuba su Magia di Pasco y un “Shopping Night Special” na su facilidad na Hato pa yama bonbini na e temporada di fiesta. E evento a wordo pasa en bibo na Telearuba pa henter e comunidad tambe por a forma parti di e celebracion aki. Esunnan cu a bishita e evenemento por a gosa di un 30% di descuento riba tur producto na e tienda na Hato, disfruta di e musica festivo na encargo di grupo di gaita, Los Paranderos, hasi un tour gratis di Aruba Aloe su museo y fabrica, y admira e camponan di aloe banda di e fabrica tabata bunita ilumina cu luz di color.
Durante di e show, Randy Ras, un di e “Production Formulatornan” na Aruba Aloe, a duna un
presentacion di e cortamento di aloe na Ivo Yanez di Magia di Pasco, mientras cu e ta splica e historia di Aruba Aloe y e beneficionan di e mata mes. Aruba Aloe su Marketing Manager, Jessica Posner, a presenta e diferente liñanan cu Aruba Aloe tin pa ofrece. E ultimo segmento di e show a tuma lugar den e tienda, na unda Jonathan Geerman, “ Regional Store Supervisor” , a splica mas tocante di e diferente productonan y a duna tip pa e regalo perfecto pa un ser keri durante e dianan di fiesta. E coleccion nobo di habon a forma parti di e recomendacion aki, cual ta inclui Aruba Aloe su Active Charcoal Soap y Rose Clay Soap.
Aruba Aloe su productonan ta special.
E productonan ta inclui 100% di e aloe puro y fresco cual ta wordo corta y cosecha den e camponan di aloe situa banda di e fabrica di Aruba Aloe na Hato, 100% traha aki na Aruba y ta representa un parti di Aruba su historia y cultura, haciendonan e regalo perfecto pa e temporada di fiesta. Clientenan por kies producto di e liña clasico di Aruba Aloe, manera e Special Care lotion, e Ultra Intensive Aloe Crème of e Alcoholada Gel, como producto di e coleccionnan di Island Remedy y Desert Bloom. Aruba Aloe lo kier a recorda comunidad cu nan por haña 20% di descuento riba tur producto den cualkier di nan 16 tiendanan riba e isla cu un ID local. Aruba Aloe ta ofrese tour gratis na nan fabrica y museo na Hato henter aña, cual ta sirbi como un actividad special pa henter famia durante e dianan di fiesta. E compañia tambe lo kier a desea tur hende feliz dia di fiesta, hopi felicidad y tur lo mihor pa e aña venidero. Aruba Aloe, cual a wordo estableci na 1890, ta un di e poco compañianan di Aloe na mundo cu ta crese, cosecha y procesa su Aloe na e mesun lugar. E Aloe, cual ta wordo considera e miho Aloe di mundo, ta e base di un coleccion di producto pa cuido pa cuero, solo y cabey, cual constantemente ta creciendo. Na e momentonan aki, Aruba Aloe tin 17 tienda aki na Aruba, y su productonan ta obtenibel pa wordo cumpra riba .arubaaloe.nl (Europa).
