Diasabra mainta trempan den diferente area hende a sinti temblor. E temblor aki a pasa pa 5:25 am y tabata di un profundidad di 35.4 km.
E magnitud di temblor tabata di 3.3 y e epicentro tabata di un latitud di 12.25 grado y longitud di -69.91 grado. E tabata 12 kilometer na e parti noordoost di Cabo San Roman. Mientras cu e tabata na 16.8 km di San Nicolas.
Por a lesa hopi comentario riba e.o. Facebook, unda ciudadanonan ta bsia di a sinti un sonido masha fuerte mes, principalmente den area di San Nicolas. Sinembargo no tin ningun persona cu a raporta daño sufri.
