Diaranson anochi algo pasa 9 or a sosode un caso di ladronicia riba Stadionweg. Aki un señora cu a caba di practica Tai Chi a haya sorpresa desagradabel. Desconocido a kibra e glas na banda di pasahero, rechts dilanti y bay cu su telefon. Polis a presenta na e sitio pa tuma nota di e sucedido.
Un rato despues atrobe precencia policial a keda solicita pa un otro caso di ladronicia den auto. Despues cu a kibra den un auto den Stadionweg, ta sospecha cu e mesun malechor aki a sigui haci su fechorianan e biaha aki patras di Avond Havo. E anti social a kibra den un Ford SUV y bay cu varios articulo entre otro un cartera. Den e cartera no tabatin mucho aden. Mescos cu e auto riba Stadionweg, aki tambe e malechor a kibra e bentana dilanti rechts.
