Tecniconan di NV Elmar a scapa pushi den palo di luz

404

Desde oranan di atardi caba habitantenan den Van Galenstraat na San Nicolas a tuma nota cu tabatin un pushi pega entre e kabelnan di coriente den nan caya. E pushi tabata specificamente dilanti percela Van Galenstraat # 15. A dicidi di yama pa ayudo, pero e proceso ey no a bay facil.

Tecniconan di NV Elmar a scapa un pushi pega den kabel di coriente na San Nicolas

Posted by 24ora on Tuesday, September 25, 2018

Na principio a yama Brandweer cu a yega cu nan truck pero a opta pa no purba scapa e pushi dor di peliger. Tabata teme cu e kabelnan tin coriente di voltahe halto riba nan, cu por ta masha peligroso pa un trabou di rescate.

Brandweer a opta pa yama NV Elmar pa bin duna un man. Tecniconan di nos compania nacional di distribucion a yega na e sitio, a sigura cu no tin peliger di coriente, a subi cu nan truck y a purba gara e pushi entre e kabelnan. Den e proceso e pushi a sali bula for di haltura di e palo di luz bin abou. Despues di esey e pushi a perde entre e casnan eybanda.