Diaranson atardi a yega un team di softball masculino di Canada, kendenan lo competi den e torneo di Himno y Bandera 2019 na veld di Flatstone. Un biaha mas Earl Sutherland tabata encarga di a trece e team Canades, cual e ta busca hungadonan di diferente team pa asina cera e team di 12 hungado.
Esaki ta di 7 aña cu Earl Sutherland ta treciendo team di softball di Canada y e ta spera cu e biaha aki si nan bay bon, pero esaki ta depende con e hungadonan ta sinti. A garantisa cu e team di Canada lo ta hungando 4 wega y ta spera di por yega pa hunga riba e dia di Himno y Bandera.
Earl Sutherland a nace na Aruba y desde edad hoben el a bay biba na Canada cu su mayornan. El a regresa Aruba na 2010 y su amigonan cu a bin bek for di Hulanda a insisti p’e bin Aruba cu un team Canades di softball. Den pasado el a bin cu diferente team di hende homber, pero tambe a bin cu team femenino cu a gana e prome torneo internacional di fast pitch.
E biaha aki un biaha mas e lo ta treciendo team Canades femenino dia 26 di maart, unda cu nan lo ta competiendo den un torneo internacional na Madushi Stars. Esaki ta birando algo grandi y e ta disfruta treciendo teamnan di Canada. Desde cu e ta na Aruba, Earl Sutherland ta promoviendo pa hendenan yega na e torneo aki. E ta invitando tur hende pa yega veld di Flatstone pa bin apoya e team Canades.
