Porfin taxistanan a haya atencion di gobierno, despues di a trece nan preocupacion dilanti, cu pa lunanan largo, nan ta wardando reaccion di gobierno riba cartanan cu nan a manda pa encuentronan y pa atende cu problemanan den transporte publico. Finalmente despues di a tene conferencia di prensa y trece dilanti tur loke ta e wardamento, lunanan largo, cuanto carta nan a manda etc. a haya oido den un siman di tempo, ora cu prensa a trece e informacion aki pafo.

Nan a haya nan prome reunion. Linda Orman, vocero di e taxistanan a splica cu nan a sinta diamars cu Minister Andin Bikker y Chris Romero. A trece nan puntonan dilanti y prome cu nan a cuminsa, Orman a presenta e centralnan y a informa nan di biaha cu e cinco centralnan ey caba ta representa mas di 300 taxista.

Entrevista Exclusivo cu Linda Orman: Diaranson awor tin claridad di Gobierna ariba problemanan di Taxi

Posted by 24ora on Wednesday, September 18, 2019

A clarea esey prome cu tur cos, mirando cu minister Romero a bisa cu e taxistana ta separa. Durante e reunion nan a indica kico e problemanan ta. Awor aki gobierno ta bezig biniendo cla cu e solucionnan.
Locual ta bay ta cu otro siman diaranson nan lo topa y e ora lo pasa e MBnan na Ministerraad. E taxistanan lo haya un bista riba e MBnan cu e cambionan cu lo bay tin e ora. Ta pidi un rato e ora pa mira preto riba blanco pa concorda loke nan tin of ta pone acerca ta yuda den e situacion di trabao, pa asina publica pa e taxistanan wak.

Puntonan

Loke mas ta preta pa e taxistanan ta haci e boetnan publico pa esnan cu ta haci uzo di transporte ilegal. E no ta afecta solamente e taxinan, pero e busnan tambe. Esnan cu ta haci transporte ilegal, lo publica e boetnan. E ta un acto preventivo. Ta bay pens’e algun biaha prome cu haci e acto ey. Si wordo gara y tin prueba cu ta haci’e, tin chens di haya un boet basta bon. Nan mester pens’e varios prome cu nan haci tansporte ilegal. Bo haci’e toch, bo tin boet pa haya. Ta cosnan cu tin cu publica pa tur hende sa cuanto e boet lo ta si mester ta gara haciendo transporte ilegal.
E otro punto tabata e disponibilidad pa subi y baha pasahero den e area di hotel. Pa traha un luga special e lo bay costa, mirando cu ta bay cambia e infrastructura di e area. A pidi un excepcion. Si e taxistanan para cierto camindanan, nan lo haya boet. Nan no mag di para na e bushaltenan. Con cu bay bin, turistanan ta lanta man pa e taxi. Nan ta para un taxi unda cu ta. Si e taxinan ta uza un señal riba e dak, e turistanan por identifica e ora. Si tur hende cuminsa uza e señal riba e dak y pone den auto cu nan ta wordo reconoci pa e plachi di number, ta un ayudo grandi pa asina evita cu ilegalidad ey cuminsa caba poco poco. No ta bale la pena discuti cu ningun hende, causa asina enemistad of hayabo den problema.
Respetuosamente ta cuminsa cera caminda y tur hende ta keda den nan liña di trabao.

Con a para

E taxinan no ta traha riba faboritismo. E ta conta pa progreso of e facilidad of e adelanto. E ta bay conta pa tur 450 taxista y no pa cierto grupo so. Ta papiando en general y te dia di awe, ta haciendo nan cosnan pa tur sin distincion di central, sin distincion di color politico, sin descrimina den genero. Ta trahando pa tur hende igual, segun Linda Orman.
Loke ta beneficia Orman mes, lo beneficia tur 499 taxista.

Comments

comments