E tarea como fundacion ta pa adkiri, restaura y mantene e edificionan monumental segun Mircla Nava. Actualmente tin 12 edificio y 5 obheto cu ta encarga di dje. Una bes cu adkiri nan ta bay over pa restaura esaki y despues huur pa haya entrada pa keda mantene nan. Pronto lo bay tin un otro trabao di mantencion cu lo cuminsa, pero pronto lo divulga esaki.
Ultimo temponan a bin ta trahando riba mantencion di tur. Ultimo stadhuis a haya su mantencion, edificio Henriquez, Huisje Wild, edificio di ARA, tur eseynan a haya nan debido mantencion den e ultimo tempo aki. Ta traha riba un plan a largo plazo cu ta percura pa e monumentonan cu ta cay bao di e fundacion ta den un estado bon.
Fondo
Cada edificio tin su huurdo. Un parti ta wordo poni un banda pa haci su debido mantencionnan constantemente. Ora cu tin proyecto nobo ta haya prestamo na interes abao pa por cubri e gastonan di renobacion y e huur ta haci cu nan por traha constantemente riba e mantencion.
Si mira bon, California Lighthouse, tabata tin parti cu tabata donacion for di sector comercial y tambe tabata tin placa di nationale Restauratie Fonds, cu a presta placa na un interes abao. Tin proyectonan cu banconan local ta forma parti di dje. Asina ta logra haci proyectonan di restauracion.
Faro
E faro ta bayendo bon, segun Navas. E ta haya bastante bishita, en particular e turistanan ta interesa pa subi. Tabata tin proposicionnan cu a tuma luga riba e faro y den e caso aki e ta den man di Faro Blanco Restaurant. Nan ta huur’e for di Monumentenfonds. Ta contento y satisfecho cu por a drecha e monumento aki.
