Pa di dos biaha, den un sala yen, e elenco di Tanto Cuenta a presenta diadomingo, 22 di oktober, nan ultimo funcion pa e aña aki. Tanto Cuenta lo sigui cu nan presentacionnan den bario, otro aña na februari. Lo toca turno na e pueblo di San Nicolas pa bin presencia e cuentanan di Hada, dramatisa na un forma unico pa e boluntarionan di Tanto Cuenta.
Fundacion Bon Nochi Drumi Dushi ta cumpli 10 aña y tin un kalender di actividad prepara pa e muchanan di Aruba. Ta pendiente di e medionan di comunicación, pa asina keda na altura di tur actividad cu BNDD ta organisa cada luna.
Tanto Cuenta, bou auspicio di Fundacion Bon Nochi Drumi Dushi kier gradici e pueblo di Aruba pa e respaldo cu nan a haya durante tur actividad di lesamento cu nan ta organisa. Tambi un danki ta bay na e sponsernan cu ta respalda e proyecto totalmente: Unoca, Directie Cultuur, AAA, Aruba Bank, Flora Market, Pro Graphics, Elite Productions, Bright Bakery, Cas di Cultura y Boogaard Assurantiën. Tambe FBNDD kier gradici tur voluntario cu a pone nan disponibel pa yuda: cu benta di carchi, patras di stage, den camerino, makiya e elenco , e coreografo, e tecniconan di Cas di Cultura, e diseñado grafico, Desiree Correa y specialmente e elenco, cu a pone tres bon presentacion pa nos muchanan.
