Tanki Leendert Service Station a saca resultado di nan rifa di fin di aña. Notario Monica Kock a saca e ganado di nan premio. Esaki ta un campaña cu tin ta andando pa basta tempo caba.
E ganado a resulta di ta Jzennix Quant, kende a gana un Chevrolet. E por pasa cu su ID pa asina e reclama e premio. For di Citgo Tanki Leendert, a purba tuma contacto cu e ganado di e auto. Finalmente, a logra haya su mama na telefon, kende tabata sumamente contento cu su yiu a gana e auto Clientenan fiel tabata tey presente durante di e sacamento di premio.
Gerencia ta hopi contento y e campaña a resulta hopi bon y alabes a gradici tur hende cu a bin. John Eloy Arends di Citgo Tanki Leendert a comenta cu e campaña tabata un exito. El a yega e expectativa cu nan tabata kier. Kier a haci algo pa clientenan. Esaki tabata como un gradicimento pa nan apoyo durante aña. Tabata tin mas campaña, pero esaki tabata esun di mas grandi. Tin speransa cu por bin cu un campaña mas grandi ainda. E clientenan a apoya nan all the way.
