Takelwagen a dal den auto cu baby como pasahero

Diaranson algo pasa 8:50 di mainta un accidenta tuma luga entre un takelwagen y un Hyundai Creta banda di Great Rich Bar & Restaurant na Paradera, den cual tabatin un baby envolvi.

Manera ta conoci, awa a stofia awe mainta y a percura cu na diferente area di Aruba tabatin accidentenan chikito. Den e caso aki e Hyundai tawata bin di rotonde di Paradera direccion St Cruz y net el a bay bira na su banda robes, despues cu el a pasa Great Rich Bar, net na momento cu un takelwagen ta bin su tras y a purba break pero no a logra.

El a dal tras di e Hyundai y den e Hyundai tawatin un baby y su mama envolvi. A pidi presencia di Polis y ambulance na a sitio pa trata e mama cu a dal su cabes ora di e impacto y tambe pa controla e baby. Tur cos tabata mustra na ordo cu nan.E truck di takelwagen no tin ni un luna cumpra y ya a hay’e envolvi den un accidenta.