Awe dialuna mainta, 18 di november 2019, a detene e yiu di Corsou di 62 aña R.A.d.S (Robbie dos Santos), den cuadro di e investigacion Maximus. E detencion a tuma luga na Sint Maarten.
A base di e investigacion andando, Ministerio Publico a demanda aresto preventivo (e prome ocho dianan) pa R.A.d.S. na e Hues Comisario di Corsou. Teniendo cuenta cu e proces verbal presenta, Hues Comisario a husga cu tin suficiente obheccion y motibonan grave y p’esey a ordena e detencion preventivo. Dialuna mainta a ehecuta e ordo aki.
E aresto preventivo ta valido pa 8 dia. Hues Comisario di Sint Maarten dialuna mainta e interoga R.A.d.S. Lo traslad’é mas pronto posibel pa Corsou pa mas investigacion. Na e momento aki lo no duna mas informacion tocante e detencion y/of e investigacion.
