E caso di asesinato cu kapmento na Flamboyanstraat ta birando un caso hopi tristo. E tata Dominicano cu a yega na e cas den Flamboyanstraat a bin pa regla cuenta cu esnan cu a viola su yiu muhe di 24 aña. E homber Marlon Stennet di 24 aña ta esun cu a haya e kapnan mortal. El a yega Hospital y no por a haci nada pe. Su tata Marvin Stennet di 47 aña a core pa su bida.

Si e tata Dominicano a haye e lo a kap e tata tambe mata. Dos departamento di Recherche tin e caso bou investigacion. Ta investigando pa Violacion y Asesinato. JZP ta bezig cu e parti di Violacion y Recherche di San Nicolas riba e parti di Asesinato.

E victima di 24 aña segun informacion a wordo abusa sexualmente dor di e tata y e yiu Jamaiquino fam Stennet. Ta papia di Violacion. Ora el a conta e tata, esaki a pasa man pa machete y bay te na nan cas den Flamboyanstraat pa asina regla cuenta y mata Marlon Stennet di 24 aña. E victima abusa sexualmente a ser hiba te na Hospital unda a haci e rape kit cune. Dokternan y unidad di Cuerpo Tecnico y tambe recherché cu SlachtOfferHulp a bay atende cu e victima. Eynan ta caminda Jeugd en Zeden Politie a cay aden pasobra ta un caso di violacion.

Awor aki cu detencion di Marvin Stennet di 47 aña tin tres sospechoso den e caso tristo aki pero un di nan a muri asesina. Tata di e dama viola a tuma ley den su man. For di fuentenan por bisa cu e dama viola ta den un shock despues di e sucedido.

Comments

comments