Varios usuario a reporta problema cu e funcionamento di e rednan social, segun e website Downdetector, cu ta monitorea fayo riba pagina y servicionan popular.
E problemanan a tuma luga tanto riba e plataforma di Facebook, como den e aplicacion pa mobil.
E fayo a wordo registra den diferente pais, entre nan partinan di Merca, Canada y varios nacion Asiatico y Europeo.
Numeroso usuarionan di Americ Latina tambe a denunci e imposibilidad di accede na nan cuenta.
Problemanan similar tambe a wordo reporta riba Instagram. Algun usuario tampoco por a uza cu normalidad Messenger, e plataforma di mensaheria di Facebook.
Na momento cu algun usuario no por a drenta den nan cuenta, otronan a experimenta problemanan cu servicionan specifico di e red social, manera upload potret y comenta riba publicacionnan.
Na algun di e afectadonan, Facebook a mustra un mensahe cu ta sugeri cu e problema ta forma parti di e labornan programa di mantenimento.