Varios ta e sindicatonan cu siman pasa a indica cu nan no ta dialoga cu gobierno tocante e 12.6%. Unico cu nan kier ta pa stop cu e recorte y nada mas.
En bista cu nan no a haya oido, tanto e sindicato- como e varios organisacionnan a convoca un accion general pa awe mainta. For di mainta trempan caba por a mira varios movecion di e diferente sindicatonan riba caya, preparando pa bay marcha.
E marcha aki lo sali for di Linear Park y nan (e sindicatonan) lo sigui marcha bay te cu Bestuurskantoor. Nan no kier dialogo, nan no kier tende nada. Unico cos cu nan kier scucha for di gobierno ta cu lo stop cu e recorte di 12.6%.
Esaki ta e postura di e sindicatonan y nan no ta dispuesto pa hala atras for di nan punto.
Nos di 24ora.com y tambe bo matutino TREMPAN lo sigui e desaroyo aki hopi di cera pa asina trece mas y miho cobertura di tur loke ta relaciona cu e accion di e sindicatonan pa awe dialuna.
