Ta parce cu Minister Andin Bikker a comete otro blunder den Cuerpo Policial

632
CMB Ban Cobra
RBC Loan Calculator
TechShack – Sinterklaas
Tech Shack Black Friday
RBC Holiday Loan
i10 Sedan
Dufry Black Friday

Awe mainta Mando Policial bou maneho di Minister Andin Bikker di Husticia a dicidi pa suspende tres recherche di e Departamento di Droga di Cuerpo Policial Aruba. A prohibi e trio pa drenta wardanan di Polis durante e investigacion andando. Sinembargo, tur cos ta mustra cu e investigacion aki lo bay demostra e forma “bruha” con ta manehando husticia ultimamente, con departamentonan ta traha bandi otro y contra otro enbes di traha hunto. Tambe e lo prueba e “heksenjacht” di persecucion cu tin contra Polisnan ultimamente. No ta normal cu ta suspende 6 Polis tras di otro!

Fuentenan den Cuerpo Policial a sigura nos cu Alto Comisario Andrew Hoo a haci acusacionnan serio contra Recherche Dammers, De Mey y Werleman. Den e carta pa prohibi nan di presenta na tur Wardanan di Polis ta bisa cu a cuminsa un investigacion penal y un investigacion disciplinario contra nan, sospecha di “Omkoping” y “ambtsmisbruik”.

Parce cu Recherche Samenwerkings Team (RST) ta investigando e mesun caso cu Unit Georganiseerde Criminaliteit (UGC) tambe ta investigando. Dado momento RST ta “tap” celular di criminalnan bendedo di droga y a scucha e Polisnan di UGC ta papia cu nan y haci “deal”. Locual e recherchenan di RST no sa ta cu nan coleganan tabata haciendo esey riba ordo di Fiscal di Ministerio Publico.

Fuentenan ta bisa cu RST a bay informa Mando Policial di nan investigacion y kico nan a tende e recherchenan di Polis bisa na criminalnan. Esey a pone cu Minister Bikker y Alto Comisario Hoo a dicidi mesora pa persigui e tres Recherchenan.
E forma di traha aki ta tipifica husticia ultimamente, cu Cuerponan arma trahando banda di otro enbes di traha hunto cu otro. E man drechi no sa kico e man robes ta haci, mientras tin metemento politico a base diario awendia den Cuerpo Policial. Como consecuencia, RST ta purbando di tur forma pa haya mas autoridad na Aruba, pa nan mes tap telefon di sospechosonan, maneha nan casonan independientemente di Polis, etc. Minister Bikker tabata cla pa firma e protocol aki, te ora cu ex Inspectornan Tjon (MEP) y Candelaria (AVP) a par’e y wanta e decision.

Alto Comisario Andrew Hoo ta confrontando aki un reto pisa den su maneho. Apenas el a tuma timon di Cuerpo Policial Aruba over y ya e ta hay’e den un problema serio den su organisacion. Su maneho di suspende Polisnan “pa loco” ta daña e imagen di e cuerpo y tambe ta daña nomber di recherchenan cu a traha pa mas di 30 aña den lucha contra droga.
Mientrastanto Sindicato di Polis Arubano (SPA) ta mantene un silencio hermetico riba e investigacionnan, acusacionnan, suspensionnan y hasta detencion di Polis. Tin 1 Polis deteni y 5 suspendi pa varios motibo y e miembronan no ta sintiendo cu nan sindicato ta defendiendo nan. Speciamente den e ultimo caso specifico aki, ta parce cu ta un fayo a comete contra e recherchenan considera e “zar” nan anti droga di nos pais.

Comments

comments

DVG Sangura Prevencion
Black Friday at Cordia
Rav 4 toyota
home improvent
Dragon Fly