For di e website di noticia, Notifalcon.com, a haya e noticia cu e comandante di e Zona Operativo di Defensa Integral, Vladimir Quintero, a ordo e mainta di diamars pa cera e comunicacion maritimo cu e islanan di Aruba, Boneiro y Corsou.
Ta presumi cu esaki ta ante e anuncio di e gobierno di Corsou di ta centro logistico pa ayudo humanitario.
Ta aplica e medida aki na puerto di e region Falconiano entrante diamars mes, pa loke mester suspende tur salimento di embarcacion y vuelonan pa e islanan bisiña y viceversa.
Esaki ta e di dos biaha cu ta cera e intercambio comercial cu e islanan ABC. Na Januari di 2018, a presidente Nicolas Maduro a cera e frontera y a restitui e intercambio comercial, despues di varios reunion entre e gobierno Falconiano y autoridad di e islanan.
