Parlamentario Mervin Wyatt-Ras ta trece padilanti cu enconeccion cu dia di diabetis dia 14 di november venidero Prisma ta organisando diferente tayernan dirigi riba pashentnan cu tin e malesa diabetis tipo 2. E ta un malesa cu ta afecta hopi di nos hendenan. Por a compronde cu tin mas o menos 4000 pashent cu ta diabetico y cu e cantidad aki cada anja ta aumenta cu 200 pashent.

Banda di esaki tin malesanan chronico, entre otro presion halto, malesanan cardio vascular, malesa di long, curazon y cancer. Nan ta malesanan cu ta lanta cabez y mester ta al dia pa preveni. Factornan di risico ta life style, movecion, aspectonan genetico, edad y obesidad. Gobierno anterior den pasado a inverti hopi den prevencion. A bin cu IBISA, a inicia wondenpoli, a bin cu liniair park pa nos hendenan por cana y move, deporte y praktijkondersteuners den oficinanan di dokternan di cas pa monitor y guia patientnan cu tin malesanan chronico. ta necesario continuacion di e esfuerzonan precentivo aki. Paso si no preveni e pashentnan  aki ta end up ta tuma dialysis.

Esaki ta un gasto hopi grandi pa AZV y na ImSan so tabatin di 12 pa 18 stul pa atende patient. Un total di 68 pa 70 patient pa siman den 2 turno. Ademas tin pashentnan ta haya dialyse na cas. Mirando esaki ta importante pa inverti den esaki. Por nota cu Imsan ta continuando cu e proyecto dirigi riba tratamento di cancer. Ta trahando ariba un bunker y esaki ta bayendo hopi bon. Baptist Health a duna cooperacion na gobierno desde anja 2012. A base di reconocimento di JCI e ora por hisa credibilidad di e cuido cu ta ser otorga dor di e sistema aki di acreditacion. Lo tin reconocimento tambe di e seguronan internacional. Esaki lo haci posibel cu nos pais por bai over na turismo medico.

Esaki ta hopi importante mirando e hecho cu e gobieeno aki no a haci nada pa tene Citgo habri y a kita cantidad di hende y no tin otro perspectiva pa otro formanan pa sostene nos pilar economico cu ta turismo. Desaroyo di turismo medico den futuro sigur lo duna un empuhe na nos economia. Wyatt-Ras ta spera cu e minister aki no mira esaki djies como un proyecto di gobierno anterior. E mester tuma esaki cu mannan habri pa logra cambio positivo riba tereno di salubridad. Hunto cu construccion di e bunker lo construi 2 sala di operacion general y un sala di operacion pa opthalmologia (wowo).

E proyecto ta ensera 60 miyon y lo por atende 400 patient di cancer y lo duna 45 persona trabou. E director a indica cu e proyecto lo ta cla pa ser uza na maart 2019. Pa loke ta e area di salubridad Wyatt-Ras a haci varios pregunta na minister e cuanto entre otro e investigacion na Laboratorium, renovacion di hospital, ley di AruBIG y mas y te ainda no a ricibi contesta ni despues di a manda un carta di rappel. Ta lamentabel pero esaki ta cuadra cu e forma con gobierno  ta trata parlamento. Ora cu na fin di e anja parlamentario 2018-2019 a trata e overzicht di trabounan di Staten a constata cu di e 701 pregunta cu parlamentarionan a haci ministernan a ricibi solamente 374 contesta, esaki ta un tiki mas cu 50%. Di e preguntanan di fraccion di AVP mescos.

Di e 276 pregunta nos a haya solamente 130 pregunta contesta.Pues nos no ta hayando contesta ariba nos preguntanan. Esaki no ta conta pa e minister aki so sino tambe pa e minister di ensenanza y esun di asuntonan social y labor. Esaki ta sumamente lamentabel. Rol di parlamentario ta pa controla trabou di minister y si no ta haya contesta esaki ta nifica cu gobierno no ta laga parlamento control’e y no ta transparente. Sea ta oposicion of parti di nan friends and family gobierno mester contesta parlamentarionan. Nos pueblo ta preocupa. Ainda e wachtlijsten pa specialista, dokternan di cas y wachttijden na Spoedeisende Hulp ta halto. Promesanan cu a ser haci y cu no ta ser cumpli. Minister mester ta mas serio pa cu salubridad. Mester atende cu preocupacion di pueblo.

Comments

comments