Aparatonan di paga candela ta mara na ley. Den preventie besluit AB 1991 di Brandweer, depende ki negoshi tin, ki luga tin. Por ehempel den mapanan cu ta duna advies riba dje di bouwaanvraag, ta pone blusser den nan, segun vocero di brandweer y tambe encarga cu prevencion di e cuerpo, Ferdinand Ponson. Ta depende ki trabao e edificio tin. Ta hay’e di cinco liber, di dies liber. Por hay’e di tipo ABC. Por hay’e den tipo cu ta special pa parti di azeta, vooral den cushina, cu nan ta uza ora di cushina. Den cushina, asina cu start un candela den deepfrier, cu e tipo ABC, no por pag’e na un manera lihe y eficiente.
Ta uza un tipo di foam cu ora mishi cu e azeta e ta forma un capa riba dje. Ta importante pa traha mas eficiente y limpi posibel riba esaki.
E ta mara na ley, depende ki e aanvraag ta, ki e negoshi ta. Si tin negoshi di restaurant A, tin restaurant B of bierhuisvergunning, of supermercado caminda cu ta bende alcohol, ta mara na ley, y e conseho ta bin di brandweer, ki rekisitonan mester tin den dje.
E fire extinguishernan ta prioridad cu tin pa pone den e luganan, pa si algo mester cuminsa, un candela chikito den un beginstadium, por purba di pag’e y na caminda brandweer ta bin.
Control di brandweer
Segun Ponson, den pasado no ta yega di cumpra e boternan aki unda cu ta y mester tin specificacion riba dje. Tin companianan reconoci pa brandweer. Brandweer ta haci tur research y testing cu nan, wak tur nan documentonan, ta wordo reconoci cu ta haci esaki, cu nan tin nan stationnan unda cu nan ta yena e boternan aki. Nan por garantisa e calidad di e boter.
Una bes cu tin e label di e compania cu ta reconoci, brandweer ta wak e label. Por ta den e caso aki nan ta uza diferente label pa aña. Asina cu mira e labelnan, sa mesora ki aña y ki label e ta, e ora por bisa cu tin cu herkeur. Den reglanan mester herkeur’e. Mester tin’e manera mester ta den e reglanan di brandweer. Cada seis luna nan mes wordo herkeurd y nota riba dje pa ken el a wordo geherkeur, ki luna y ki aña ta wordo haci.
E boter
Segun Ponson, e boter di paga candela, ta parti esaki den diferente caminda. Den un restaurant mester tin’e poni tras di bar. Motibonan cu ta conseha esaki, ta cu si pone den un bar, unda cu e clientenan ta bin, tin cu ten’e unda cu e personal mes tin’e y por maneh’e tras di bar den caso di un candel.a
Den cushina, tin loke tin ta un kleine blusmiddel y tambe den e hood riba e stoof. E hood mester ta limpi. Den dje tin su sistema di paga candela. Esaki tambe mester ta gekeur. Ora cu ta den cushina y no tin esaki, e cushina no por opera. Si por ehempel a cuminsa y e compania no a caba di arma, tin alternativanan cu por uza, pero si den un manera eficiente pa por tin’e eynan pa por paga candela, si algo mester cuminsa na e momento ey.
