Mañan ta habri e rotonde di Tanki Leendert (Acero) completo, pero lo cera e interseccion di Sero Blanco y Modansa. Esey kiermen cu den futuro e caminda cu ta bin for di Tanki Leendert/Sero Blanco por bira solamente na man drechi y sigui pa rotonde di Sero Patrishi y e caminda for di Modanza por bira solamente na man drechi y sigui pa e rotonde di Tanki Leendert. NO por bay stret for di Tanki Leendert/Sero Blanco pa Modanza y vice versa mas!
Dialuna dia 20 di mei 2019 lo cera e rotonde di Ponton, na altura di Multimedia Int., pa pone e ultimo capa di asfalt y lo habri’e bek riba diahuebs dia 23 di mei 2019. Desviacion lo ta via Pitastraat, Katunastraat y Kamerlingh Onnesstraat.
Por ultimo, diahuebs dia 23 di mei 2019, despues di habri e rotonde di Ponton lo cera e caminda di Hato, unda ta traha e viaducto. Desviacion ta via Aloestraat, Caya Mageuy y Cocoraba y Pitastraat. Ta cera e caminda aki te cu fin di juli pa por caba cu e viaducto y e caminda abou di dje.
Gerencia di DOW ta spera cu tur automobilista tuma bon nota di e update di parti di Mota-Engil riba e cambio di camindanan.
